Кеча, 28 ноябрь куни Комил Исмоилович Алламжонов ҳукумат қарорига мувофиқ, Ўзбекистон матбуот ва ахборот агентлиги (ЎзМАА) бош директори вазифасини бажарувчи этиб тайинланди.
Бу хабар муҳокамаси вақтида айрим интернет фойдаланувчилари мазкур агентликни Ўзбекистон Миллий ахборот агентлиги (ЎзА) билан чалкаштирмоқда. Аслида эса, булар бошқа-бошқа ташкилотлардир.
Фото: Президент матбуот хизмати
Ўзбекистон Республикаси Вазирлар Маҳкамасининг 2017 йил 30 декабрдаги 1038-сон қарори билан тасдиқланган Низомга кўра, Ўзбекистон матбуот ва ахборот агентлиги оммавий ахборот воситалари, ахборот алмашиш, матбуот, ноширлик, матбаа ва ахборот-кутубхона фаолияти соҳасида давлат сиёсатини ишлаб чиқиш ва амалга ошириш ҳамда китоб маҳсулотларини нашр этиш ва тарқатиш тизимини такомиллаштириш бўйича ваколатли давлат бошқаруви органи ҳисобланади.
Агентликнинг ўз ваколатлари доирасида қабул қилинган қарорлари давлат ва хўжалик бошқаруви органлари, маҳаллий ижро этувчи ҳокимият органлари, бошқа ташкилотлар ва уларнинг мансабдор шахслари, шунингдек, фуқаролар томонидан бажарилиши мажбурий ҳисобланади.
Агентлик тузилмаси
Агентлик тизимига Агентликнинг марказий аппарати ва ҳудудий бўлинмалари, «Ўзбекистон», «Ўқитувчи», Ғафур Ғулом номидаги ва Чўлпон номидаги нашриёт-матбаа ижодий уйлари, «Ўзбекистон миллий энциклопедияси» давлат илмий нашриёти, «Кўзи ожизлар босмахонаси», «Маъмурий бинолардан фойдаланишни бошқариш» давлат корхоналари, Алишер Навоий номидаги Ўзбекистон Миллий кутубхонаси, Агентликнинг ҳудудий бўлинмаларига идоравий мансуб нашриётлар, Оммавий коммуникациялар соҳасида мониторинг маркази киради.
Агентликнинг вазифалари
Агентлик қуйидаги вазифаларни амалга оширади:
Оммавий ахборот воситаларининг мустақил фаолиятига доир қонун ҳужжатлари ижросини таъминлаш соҳасида:
