КХДР АҚШнинг янги санкцияларини сиёсий провокация деб атади

Шимолий Корея АҚШнинг янги санкцияларини сиёсий провокация сифатида баҳолайди. Бу ҳақда ТАСС Шимолий Корея оммавий ахборот воситаларига асосан хабар қилмоқда.

Агентлик маълумотларига кўра, КХДР АҚШнинг мамлакат олий раҳбариятига қарши санкциялари «душманлик ҳаракати» саналишини ҳам маълум қилган.

Қайд этилишича, Шимолий Корея Қўшма Штатларнинг ҳаракатлари «Америка етакчиси Дональд Трамп ва унинг шимолий кореялик ҳамкасби Ким Чен Иннинг эзгу ниятларига зид», деб ҳисоблайди.

Аввалроқ, Қўшма Штатлар КХДРнинг уч нафар фуқаросига қарши санкциялар жорий этгани хабар қилинган эди.

Эслатиб ўтамиз, бундан аввал Жанубий Кореядан КХДРга ўн йил ичидаги биринчи поезд йўл олганди.