Помпео Венесуэлага Россия ва Кубадан мустақил бўлишни тилади

АҚШ давлат котиби Майк Помпеонинг Fox Business телеканали эфирида маълум қилишича, Россия ва Куба аллақачон Венесуэла ичига кириб олган. Бу ҳақда РИА «Новости» хабар бермоқда.

Давлат котиби Венесуэлада Куба ва Россиянинг иштироки айнан қандай эканига аниқлик киритмаган. Шу билан бирга, Помпеонинг умид қилишича, мамлакатда «ҳокимият ўзгарганда», Венесуэла аҳолиси «суверен ва мустақил» халқ бўлишни хоҳлайди. Шунингдек, унинг билдиришича, венесуэлаликлар «хавфсизлик ва фаровонлик» масаласи бўйича «руслар ва кубаликларга» таяниши керак эмас.

Эслатиб ўтамиз, аввалроқ Венесуэла президенти Николас Мадуро мамлакат мухолифати етакчиси Хуан Гуайдонинг тақдири ҳақида гапирганди.