АҚШ баёнот берди: венесуэлалик генераллар мухолифат билан махфий музокаралар олиб боряпти

Фото: Manuel Balce Ceneta / AP

Венесуэла ҳарбийлари мухолифат билан музокаралар олиб бормоқда, дея маълум қилди АҚШ президентининг миллий хавфсизлик бўйича маслаҳатчиси Жон Болтон Fox News телеканалига берган интервьюсида.

«Муҳим генераллар, Венесуэла президенти Николас Мадурони қўллаб-қувватлаётган йирик шахслар мухолифат билан мунтазам мулоқот олиб бормоқда, - дея маълум қилди Болтон. - Бу очиқ кетмаяпти, аммо музокаралар давом этмоқда».

Трампнинг маслаҳатчиси таъкидлашича, Венесуэлада 2 минг нафар генерал бор - бу НАТОга мамлакатларидан ҳам кўп бўлиб, коррупциянинг асл сабабидир.

Ўз навбатида, Мадуро АҚШни ўз мамлакатини тинч қўйишга чақирди. «Дональд Трамп, Венесуэладан қўлингизни тортинг. Венесуэла ривожланиб кетади», - дея маълум қилди у.

Эслатиб ўтамиз, аввалроқ Мадуро АҚШ билан махфий учрашувлар ҳақида маълум қилгани, Болтон «оқибатлар» бўйича огоҳлантиргани хабар берилганди.

#АҚШ #Венесуэла

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди