Фото: REUTERS/Tatyana Makeyeva
«Реал» клуби яримҳимоячи Лука Модричга янги шартнома таклиф қилади.
Marca хабарига кўра, клуб раҳбарияти 33 ёшли футболчини таркибда сақлаб қолиш ҳақида қарор қабул қилган.
Эслатиб ўтамиз, Модричнинг амалдаги шартномаси 2020 йилгача мўлжалланган. Дастлабки маълумотларга кўра, футболчига 2021 йилгача мўлжалланган шартнома таклиф қилинади. Агар Модрич уни имзоласа, 36 ёшига қадар «Реал» шарафини ҳимоя қилади.
Аввалроқ, Модричнинг «Интер»га ўтиши ҳақида хабарлар тарқалган эди. Аммо хорватиялик Италия чемпионатида тўп тепишни истамади.
