АҚШ КХДРга қарши санкциялар эҳтимоли ҳақида маълум қилди

Фото: Leah Millis/Reuters

АҚШ агар ядросизланиш амалга оширилмайдиган бўлса, КХДРга қарши санкцияларни кучайтириш бўйича вариантларни ўрганиб чиқмоқда. Бу ҳақда РИА «Новости» хабар берди.

Қайд этилишича, бу ҳақда АҚШ президентининг миллий хавфсизлик бўйича маслаҳатчиси Жон Болтон маълум қилган.

«Биз Шимолий Корея томонидан қабул қилиниши мумкин бўлган эҳтимолий ечимларини кўриб чиқамиз - улар музокараларга жиддий ёндашадими, бунга қайтишни хоҳлайдими ва ядро қуроли дастури ҳамда у билан боғлиқ бўлган бошқа дастурлардан воз кечишга тайёрми. Биз айнан шуларни кўриб чиқамиз». - деди Болтон.

Унинг таъкидлашича, акс ҳолда, АҚШ иқтисодий санкцияларни кучайтиради.

Эслатиб ўтамиз, аввалроқ Трамп КХДР Отто Уормбирнинг ўлими учун масъул эканини маълум қилганди.

#АҚШ #КХДР #санкция