Ўзбекистон элчиси БАА вице-президентига ишонч ёрлиқларини топширди

Фото: ТИВ ахборот хизмати

Ўзбекистон Республикасининг фавқулодда ва мухтор элчиси Бахтиёр Ибрагимов Абу-Даби шаҳрида Бирлашган Араб Амирликлари вице-президенти, бош вазири, Дубай Амирлиги ҳокими Шайх Муҳаммад бин Рошид Ол Мактумга ўзининг ишонч ёрлиқларини топширди.

ТИВ хабарига кўра, маросимдан сўнг бўлиб ўтган қисқа суҳбат чоғида Шайх Муҳаммад бин Рошид Ол Мактум президент Шавкат Мирзиёевга ўзининг чуқур ҳурматини изҳор этган ва Ўзбекистоннинг БАА раҳбарияти ва халқи учун алоҳида аҳамиятга эга эканлигини қайд этган.

Таъкидланганидек, Амирликлар ҳукумати икки мамлакат манфаатларини ҳисобга олган ҳолда ўзаро муносабатларни тизимли ва фойдали асосда ривожлантиришни режалаштирмоқда.