Покистон - Ҳиндистон можаросини ҳал қилишда Хитой воситачи бўлади. Бу ҳақда Global Times хабар қилмоқда.
Нашр маълумотларига кўра, ХХР бу зиддиятда қайсидир бир томонни қўллаб-қувватламоқчи эмас ҳамда томонларнинг ярашувига ҳисса қўшмоқчи.
Таъкидланишича, Ҳиндистонда ҳамма ҳам Хитойнинг ташаббусларини қўллаб-қувватламайди, улар геосиёсий таҳдидга эга, деб кўрилади.
Шу билан бирга, Покистон Пекиннинг позициясини тўлиқ қўллаб-қувватламоқда.
Бундан олдин, Ҳиндистонда Покистонга қарашли учувчисиз учар қурилма уриб туширилганди.
