Ўзбекистон халқ шоирлари Усмон Азим ва Маҳмуд Тоир ўтирган машина ЙТҲга учради

Усмон Азим ва Маҳмуд Тоир/Фото: KUN.UZ

Ўзбекистон халқ шоирлари Усмон Азим ва Маҳмуд Тоир ўтирган автомашина Андижон вилоятининг Марҳамат туманида йўл-транспорт ҳодисасига учради. Бу ҳақда Kun.uz ахборот манбаси хабар бермоқда.

Унинг айтишича, ушбу машинада шоир ва журналист Нодир Жонузоқ ҳам бўлган. Ҳодиса Андижон вилоятига халқ шоири Муҳаммад Юсуф хотирасига бағишланган тадбирларда иштирок этиш учун борилган вақтда юз берган.

Ахборот манбаси сўзларига кўра, автомашинада бўлганлар жиддий даражада жароҳат олмаган. Улар айни дамда Тошкент шаҳрига етиб келишган.

Фақат Ўзбекистон халқ шоири Усмон Азим ҳозирги вақтда пойтахтдаги шифохоналардан бирига ётқизилган.