Тошкентда «Газель» юк автомашинаси ёниб кетди

Жорий йилнинг 30 май куни соат 11:52да Тошкент шаҳар ЁХБ куч ва воситаларини бошқариш ва мувофиқлаштириш марказига Яшнобод тумани, Оҳангарон шоҳ кўчаси 11-уй олдида “Газель” русумли юк ташиш автомашинасида ёнғин содир бўлаётганлиги ҳақида хабар келиб тушган.

Ўзбекистон Республикаси ФВВ ЁХББ ОАВ билан ҳамкорлик қилиш бўлинмаси хабарига кўра, воқеа жойига 2 та ёнғин ўчириш бўлинмалари жалб этилган. Кўрилган тезкор ҳаракатлар натижасида ёнғин бартараф этилган.

Ёнғин оқибатида автомашинасининг мотор, салон қисми ва юкхонасидаги маҳсулотлари қисман ёниб зарарланган. Тан жароҳати олганлар йўқ.

Ёнғинни келиб чиқиш сабаби ва моддий зарар миқдори аниқланмоқда, дейилади хабарда.

Тайёрлаган: Отабек Матназаров

#Тошкент #ёнғин #кундузги чироқлар

2019 йил 9 апрелдаги ҳукумат қарори билан, куннинг ёруғ вақтида барча автомототранспорт воситалари яқинни ёритувчи чироқларини ёки кундузги сигнал чироқларини ёқиб ҳаракатланиши шартлиги белгиланди. Жамоатчилик эътирози ортидан мазкур талаб аввалига 2021 йил 1 январга сурилди, сўнг бекор қилинди.