IELTS сертификатни асли эканлигини текшириш жуда осон!

Хабарингиз бор, 2019-ўқув йилидан бошлаб IELTS сертификати Ўзбекистондаги олий ўқув юртларига киришда бир қатор имтиёзлар тақдим этади.   

Тест синовлари мажмуасига инглиз тили биринчи (асосий) фан сифатида киритилган бакалавриат таълим йўналишлари учун IELTS 5.5, асосий фан бўлмаган бакалавриат таълим йўналишлар учун IELTS 4.5 кўрсаткичи билан кириш имтиҳонларида энг максимал балл беради.

Ушбу тест натижасида олинадиган сертификат нафақат юртимизда, шу билан бирга бутун дунё бўйлаб ҳам кўплаб имтиёзлар тақдим этишини кўришимиз мумкин.

Ушбу тестнинг бошқа тестлардан афзаллиги нимада?

Ҳозирги кунда IELTS 140 дан ортиқ мамлакатларда 10.000 дан ортиқ ташкилот ва таълим муассасалари томонидан тан олинади ва энг ишончли инглиз тили тести сифатида эътироф этилади. IELTSга тайёргарлик кўриш ва имтиҳондан муваффақиятли ўтиш учун интернет тармоғида минглаб ўқув қўлланмалари, бепул дарслар ва турли хизматлар мавжуд. British Council ташкилоти эса ушбу тестларни ўтказиш бўйича Ўзбекистонда масъул ташкилот ҳисобланади.

Қалбаки IELTS ҳақидаги ҳабарлар ростми?

Афсуски, тест жуда машҳур бўлганлиги боис баъзи ноқонуний ҳаракатлар ҳам учраб туради. Лекин бундан умуман қўрқиш керак эмас. Чунки ушбу тестни сотиш ёки сотиб олиш, таниш-билиш ишлатиш каби ҳолатлар бўлмаслиги учун IELTS тестларини ишлаб чиқарувчи ташкилот — Cambridge Assessment жуда кучли назоратни ўрнатган. Шу боис ушбу тест 60 йиллик катта тажрибага эга. IELTSнинг халқаро миқиёсда обрўси ва ҳурмати жуда юқори.

Ўзбeкистонда IELTS, TOEFL  ва бошқа кўплаб халқаро сeртификатларни турли компьютер дастурлари ёрдамида ўзгартириб, юқори балл кўрсатиб рeклама қилаётган ўқув марказлар, ўқитувчилар ҳақида кўпчиликнинг хабари бор. Facebook, instagram ва кўплаб интeрнeт нашрларида рeклама қилинган хизматлар орасида айни шундай қалбаки сeртификатларни учратиш мумкин. Ишга кирувчилар орасида ҳам сохта сeртификатлар учраб туради.

Нима сабабдан бу ҳолатлар кўпаймоқда?

Сабаблардан бири - ўқувчиларнинг соддалиги ва катта ваъдаларга ишонишидир. Шу билан бирга IELTS сeртификатини асли эканлигини тeкшириш имкониятига жуда кам ташкилотлар эга. Шу сабабли ҳам ўқувчилар тeкширувчи органларга ҳуқуқлари бузилиши бўйича мурожаат этишмайди. Натижа яхши чиқмагандан сўнг ёки айтилган кафолат бўлмагач, устозларини ўзгартиришни афзал кўрадилар.

Таълим бeриш бу энг хайрли ва фидоийлик талаб қиладиган ишлардан бири. Ушбу соҳадаги айни шундай ноинсоф шахсларнинг борлиги албатта ачинарли ҳолат. Бунга қарши нафақат мутасадди ташкилотлар, шу билан бирга биз ҳаммамиз бир жамоа бўлиб курашишимиз лозим.

Қандай қилиб IELTS сeртификатини текшириш мумкин? Бу жуда осон!

1. Сертификатга эътибор беринг. Ундаги махсус код ўчирилмаган (беркитилмаган) бўлиши лозим. Махсус сонлардан иборат код сертификатнинг энг пастки ўнг қисмида ёзилган.
2. Ушбу кодни махсус сайт орқали текшириш мумкин. https://ielts.ucles.org.uk/ielts-trf/
3. Ушбу сайтдан рўйхатдан ўтиш учун ташкилот хақидаги анкета тўлдирилади. Муассаса-ташкилот раҳбари томонидан масъул шахс тайинланади ва у хақидаги маълумот хат тарзида сайтга юкланади.
4. Юқоридаги шартлар бажарилгач, IELTS бўйича масъул ташкилот сизга сайтдан фойдаланиш учун логин ва кириш кодини юборади.

Ушбу хизматлардан олий ўқув юртлари, нодавлат таълим муассасалари, давлат органлари ва хусусий ташкилотлари бепул фойдаланиши мумкин.

Ота-оналарга эса ушбу тест бўйича маълумот олиш, имтиҳонларга рўйхатдан ўтказиш, тестга тайёргарлик кўриш масалалари, ўқитувчи-ходим ва талабаларнинг инглиз тилини билиш даражасини, IELTS халқаро тестига тайёргарлик даражасини билиб бериш учун наъмунавий тестни ташкил этиш масалалари бўйича British Councilнинг Тошкентдаги расмий ҳамкори RIKS Education муассасасига мурожаат этишинигиз мумкин. www.riks.uz, email: info@riks.uz

RIKS Education - British Council Ўзбекистондаги ваколатхонаси томонидан IELTS дастури бўйича расмий ҳамкори, Сambridge Univeristy Exams Pretesting маркази ва Oxford University Press нинг тест ўтказиш-тадқиқот маркази мақомига эга Тошкент шаҳридаги ягона таълим муассасасидир. Муассаса 2007-йилдан буён муваффақиятли фаолият олиб бормоқда. Кўплаб хорижий ташкилотлар томонидан эътироф этилиб, халқаро таълим йўналиши бўйича мукофотланган.

Реклама ҳуқуқи асосида