МАК: Покистон ва Ҳиндистон ҳаво ҳудудидан ўтиш бўйича барча тақиқлар бекор қилинди

Фото: KUN.UZ

Миллий авиакомпания томонидан тарқатилган маълумотга кўра, бугундан бошлаб Покистон ва Ҳиндистон ҳаво ҳудудидан ўтиш бўйича барча тақиқлар бекор қилинган.

Шу муносабат билан, МАКнинг Деҳли, Мумбай, Бангкок, Куала Лумпур ва Жакартага рейслари оптимал йўналишлардан фойдаланишни тикламоқда. Қайд этилишича, бунинг оқибатида ушбу рейслар парвози вақти 2-3 соатга қисқаради.

“Барчани бу қувончли ҳодиса билан табриклаймиз ва ўтган 5 ой давомидаги тушуниш ҳамда сабр-тоқат учун миннатдорчилик билдирамиз”, - дейилади МАК хабарида.

Ҳиндистон – Покистон. Зиддият илдизи қаерда? Ўзбекистон қандай муносабатда?

Тайёрлаган: Отабек Матназаров

#Ҳиндистон #Покистон #МАК

14 февраль куни Покистон ҳудудида ўрнашган «Жайш-э-Муҳаммад» террорчи гуруҳи Кашмирда Ҳиндистон армияси ҳарбийлари колоннаси ўтаётган йўлда теракт содир этиши натижасида 46 нафар ҳинд ҳарбийси ҳалок бўлди. Бу воқеа ортидан Покистон ва Ҳиндистон муносабатларида можаро яна авж олди.