Тошкентда уч машина иштирокида автофалокат рўй берди. Қурбонлар йўқ

Фото: Ижтимоий тармоқлар

Бугун ижтимоий тармоқлар мессенжерларда пойтахтимизнинг Дархон мавзесида бир нечта автомобиллар иштирокида аянчли автофалокат содир бўлгани ҳақидаги фото ва видеоматериаллар тарқатилди.

Мазкур воқеа юзасидан Kun.uz Тошкент шаҳар Ички ишлар бош бошқармасига мурожаат қилди.

ИИББ матбуот хизмати маълумотига кўра, бугун 6 август куни кечки пайт пойтахтнинг Мирзо Улуғбек туманидаги Буюк ипак йўли кўчасида уч автомашина иштирокида йўл-транспорт ҳодисаси содир бўлган.

"ЙТҲ натижасида қурбонлар йўқ.

Дастлабки суриштирувлардан маълум бўлишича, Nissan русумли автомашина ҳайдовчиси, 33 ёшли Ш.Ж. бошқарувни йўқотиб, икки машина билан тўқнашув содир этган.

ЙТҲнинг тўлиқ сабаблари ўрганилмоқда", - дейилади Тошкент шаҳар ИИББ матбуот хизмати маълумотида.

#ЙТҲ