Ўзбекистон Республикаси Марказий банкида валюта сиёсати бўйича матбуот анжумани бўлиб ўтмоқда. Бу ҳақда Kun.uz мухбири хабар берди.
Тадбирда Марказий банк раиси Мамаризо Нурмуратовнинг айтишича, Ўзбекистон ички бозорида аввалги йилларда кучли инвестицион чанқоқлик юзага келган.
“Ўтган 25 йил давомида Ўзбекистонда бозор иқтисодиётида ёпиқ эшиклар сиёсати олиб борилди. Бунинг натижасида хусусий бизнес ва тадбиркорликни йўлга қўйишда тўсиқларни келтириб чиқарган. Аҳолида молиявий ресурслардан фойдаланишда чекловлар бор эди. Натижада ички бозорда кучли инвестицион чанқоқлик юзага келган”, - деди Марказий банк раиси.
Шунингдек, анжуманда маълум қилинишича, ўтган йили аҳолидан 3,5 млрд валюта маблағлари сотиб олинди.
Бундан олдин, Мамаризо Нурмуратов валюта курслари энди бозорда мустақил шаклланишини айтганди.
