Қўшимча функционаллар
-
Тунги кўриниш
Қирғизистон собиқ бош вазири судга мажбуран олиб келинди
Исаков Бишкек ИЭСини модернизациялашда коррупцияга йўл қўйилганлиги тўғрисидаги иш бўйича айбдорлардан ҳисобланади.
Коррупцияда айбланаётган Қирғизистон собиқ бош вазири Сапар Исаков мажбурий тарзда судга олиб келинди. Бу ҳақда унинг адвокати Замир Жоошев маълум қилди.
"Сапар Исаков 11 млн доллар зарар етказилгани тўғрисида хулоса берган экспертлар сўроқ қилинмасдан, айбланувчилар сўроқ қилинишидан норози. У вақтинчалик сақлаш камерасидан чиқишни истамади. Бугун куч ишлатиш йўли билан Сапар Исаковни судга олиб боришди. Бу вазифани давлат миллий хавфсизлик қўмитаси ходимлари бажаришди. Қонунчиликка кўра эса, судга мажбуран олиб келиш суд ижрочиларининг вазифаси ҳисобланади", - деди Жоошев.
Исаков Бишкек ИЭСини модернизациялашда коррупцияга йўл қўйилганлиги тўғрисидаги иш бўйича айбдорлардан ҳисобланади.
Исаковдан ташқари, яна бир собиқ бош вазир Жанторо Сатибалдиев, собиқ энергетика вазири Осмонбек Артикбаев ва бошқа амалдорлар коррупцияда айбланиб ҳибсга олинган. Улар Хитой компанияси билан шартнома тузишда давлатга 111 млн доллар зарар етказишда айбланмоқда.
Мавзуга оид
17:21 / 06.11.2024
Туркий давлатлар ташкилоти саммитида 8 та ҳужжат имзоланди
21:34 / 05.11.2024
Қирғизистонлик аёллар 10 нафаргача фарзанд кўришга чақирилди
19:40 / 05.11.2024
Ўзбекистон ва Қирғизистон ўртасидаги 3 та чегара божхона постларида транспорт ҳаракати вақтинча тўхтатилади
18:09 / 05.11.2024