29 октябрь куни Тошкентда бокс бўйича Ўзбекистон чемпионати ўз якунига етди.
23 октябрь куни бошланган турнирда мамлакатнинг энг кучли боксчилари сараланди. Ярим финал ва финал беллашувларида сенсацион натижалар қайд этилди. Ўзбекистон терма жамоалари аъзолари Жасурбек Латипов (у оилавий сабаб туфайли турнирни давом эттира олмади) ва Маҳмуд Ғоипов (у Улуғбек Ҳақбердиевни енгган бўлсада, рақиб мураббийлари эътирозидан кейин видео қайта кўриб чиқилиб, Ғоиповга техник мағлубият ёзилди) чорак финалдаёқ турнирни тарк этишди.
Санжар Турсунов яримфиналда Жамшиджон Абдуллаевга ютқазиб қўйди.
Финалда эса терма жамоанинг яна бир аъзоси Фанат Қаҳрамонов Одилжон Аслоновга енгилди.
Ташкилотчилар бу йилдан эътиборан мусобақанинг энг яхши боксчисига Руфат Рисқиев совринини таъсис этишган эди. Илк бор бундай совринга мазкур чемпионатда -60 килограмм вазн тоифасида тенгсиз бўлган Абдумалик Халаков сазовор бўлди.
Ҳал қилувчи беллашувларда қайд этилган натижалар:
-49 кг: Аброрбек Абдусаломов (Андижон) – Умарқул Эрматов (Жиззах)
-52 кг: Мироншоҳ Ибрагимов (Бухоро) – Фозилжон Абдумуродов (Жиззах) -/+
-56 кг: Фазлиддин Каттақулов (Сурхондарё) – Ойбек Жўраев (Тошкент вилояти) 2:3
-60 кг: Абдумалик Халаков (Тошкент вилояти) – Сардор Музаффаров (Тошкент вилояти) 5:0
-64 кг: Элнур Абдураимов (Тошкент вилояти) – Мужибилло Турсунов (Андижон) +/-
