16 декабрда Польшанинг Катовице шаҳридаги округ суди биносида оқ кукун солинган жўнатма ва таҳдид билдирилган мактуб аниқлангач, у ердан 400 га яқин одам эвакуация қилинди. Бу ҳақда Dziennik Zachodni нашри хабар берди.
Кейинроқ аниқланишича, шубҳали модда оддий ун бўлиб чиққан.
Воқеа жойига 15 та ўт ўчириш бригадасининг 40 га яқин қутқарувчиси йўлланган. Эвакуация ўтказилгач ва яқин кўчалар тўсилгач, бино кимё мутахассислари томонидан кўздан кечириб чиқилган. Шубҳали жўнатма бўлган хонадаги барча одамлар изоляция қилиниб, текширувдан ўтказилган.
Воқеа тафсилотлари аниқлаштирилмоқда.
