Қўшимча функционаллар
-
Тунги кўриниш
6 ёшли болаларни мактабга мажбурий тайёрлаш тизимига ўтилмоқда
Ўзбекистонда болалар бир йиллик мактабга тайёрлов тизимида ўқитилиши мажбурий этиб белгиланмоқда.
Мактабгача таълим вазири ўринбосари Мақсуджон Йўлдошевнинг айтишича, ҳозир республика бўйича 6 ёшли болаларнинг 68 фоизи боғчага боряпти.
«Режамиз бўйича, йил охирига қадар 85 фоиз болани мактабга тайёрлаш курсларига жалб қилишимиз керак. Бунинг учун 100 мингга яқин 6 ёшли болани қамраб олиш юзасидан аниқ режаларимиз бор», – деди Йўлдошев 29 январь куни Халқаро-пресс клуб сессиясида.
Вазир ўринбосарига кўра, ҳозир давлат боғчаларига болалар 3 ёшдан, давлат-хусусий шерикчилиги асосида очилган боғчаларда 2 ёшдан, хусусий боғчаларда 1 ёшдан қабул қилинади.
Президент Шавкат Мирзиёев парламентга мурожаатида 6 ёшли болаларни мактабга тайёрлаш тизимини жорий этиш учун бюджетдан 130 миллиард сўм ажратилишини айтганди.
Маълумот учун, 2020 йил июнидан кучга кирадиган «Мактабгача таълим ва тарбия тўғрисида»ги қонунга асосан, давлат ҳар бир боланинг умумий ўрта таълим ташкилотига ўқишга киришидан бир йил олдин давлат мактабгача таълим ташкилотларида умумий ўрта таълимга мажбурий бир йиллик тайёргарликдан ўтишга бўлган ҳуқуқини кафолатлайди.
Мавзуга оид
16:18 / 20.04.2021
Самарқанддаги мактабгача таълим тизимида қатор ноқонуний ҳолатлар аниқланди
18:34 / 12.04.2021
Мактабгача таълим соҳасида молиялаштирилмасдан қолган 241та ДХШ тўғрисидаги битимга маблағ ажратилади
22:56 / 01.04.2021
Қорақалпоғистонда боғча тарбиячилари директордан норози бўлиб автомобиль йўлини тўсиб қўйди
10:07 / 20.03.2021