Кучли шамол АҚШ ва Мексика чегарасидаги «Трамп девори»нинг бир қисмини ағдариб юборди

АҚШ ва Мексика чегарасида қурилаётган деворнинг бир қисми кучли шамол натижасида ағдарилиб тушди, деб хабар берди The Guardian нашри.

Чегарачиларнинг маълумот беришича, шамол девор бўлакларини Мексика томонга учириб кетган.

"Яхшиямки, Мексика ҳукумати зудлик билан чора кўрди ва яқин-атрофдаги кўчада йўл ҳаракатини тўхтатди", - деди чегара хизмати вакили Карлос Питонес.

Питонеснинг сўзларига кўра, девор бўлаклари йиғиб олинган ва жойига қайтарилган.

“Nobody builds walls better than me. Believe me.” — Donald Trump (2016)

Hot Air: Trump’s “great, big, beautiful wall” took an abrupt tumble. A portion of US border wall in California fell over in high winds — and landed on the Mexican side.pic.twitter.com/m7MheewsoG

— Stephanie Kennedy (@WordswithSteph) January 30, 2020

Ноқонуний миграцияга қарши курашиш доирасида Мексика билан чегарада девор қурилиши Дональд Трампнинг 2016 йилдаги сайловолди курашларида берган ваъдаларидан бири эди. Аввалига бетон девор қурилиши режалаштирилганди, аммо кейинроқ Трамп пўлатдан тўсиқ қурилишига розилик берди.