Коронавирусдан бир кун ичида 73 киши вафот этди

Хитойда коронавирусдан бир кун ичида 73 киши вафот этди, 3,1 мингдан кўпроқ янги касалланиш ҳолати қайд этилди.

Фото: EPA-EFE/YFC CHINA OUT

Вирусдан вафот этганларнинг умумий сони 636 нафарга етди. Ундан 31161 та касалланиш ҳолати қайд қилинган, 4281 киши оғир аҳволда қолмоқда, 1540 киши соғайиб кетган.

Хитойнинг махсус маъмурий ҳудудлари ҳисобланган Ҳонгконгда коронавирусдан 24 та, Макаода 10 та ва Тайванда 16 та касалланиш ҳолати қайд этилган.

South China Morning Post нашрининг хабар беришича, Пекинда ва Осиёнинг бошқа давлатларида 158 киши, Европада 28 киши, Шимолий Америкада 16 киши, Австралияда 14 киши ва дунёнинг бошқа ҳудудларида 7 киши коронавирусга чалинган.

Тайёрлаган: Шуҳрат Раҳимов

#Хитой #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.