Туркия Идлибга қўшимча куч жўнатишда давом этади

Фото: Anadolu

Туркия ҳукумати Суриянинг Идлиб вилоятига бу ҳудудда ўт очишни тўхтатиш режимига амал қилинишини таъминлаш учун қўшимча ҳарбий жўнатади. Бу ҳақда Туркия Мудофаа вазири Хулуси Акар маълум қилган.

«Биз ўт очишни тўхтатиш сулҳига риоя этилишини таъминлаш ва унга доимо амал қилиниши учун қўшимча ҳарбийлар жўнатмоқдамиз. Биз ҳудудни назорат қиламиз», — дея унинг сўзларини келтирмоқда Anadolu.

Вазирнинг сўзларига кўра, Туркия ўт очишни тўхтатиш режимига амал қилмайдиганларга қарши барча чораларни кўради, жумладан, ҳарбий кучларни ҳам қўллайди.

Аввалроқ Пентагон Суриянинг Идлиб вилоятида туркиялик ҳарбийларга разведка маълумотлари ва ҳарбий анжомларни етказиб бериш борасида ёрдам кўрсатишга тайёрлиги хабар қилинганди.

Сурия ҳарбийлари шимолдаги йўлларни назоратга олди, Туркия уруш билан таҳдид қилмоқда

Тайёрлаган Азиз Қаршиев

#Туркия #Сурия #Идлиб

2019 йил декабрида Сурия армияси Идлибни тўлиқ эгаллаш учун юриш бошлади. Туркия эса Сурия шимолидаги иттифоқчиларини ҳимоя қилиш учун бу ҳудуддаги кузатув постларига минглаб ҳарбийларини жўнатди ва икки томон ўртасида тўқнашувлар рўй бера бошлади.