Россия Беларусь билан чегарасини қисман ёпди

Сўнгги маълумотларга қараганда, Беларусда коронавирусга чалиниш билан боғлиқ 36 та ҳолат қайд этилган, уч киши соғайиб кетган.

Фото: Владимир Горовых/ТАСС

Россия ҳукумати одамлар ўтмаслиги учун Беларусь билан чегарани ёпди. Бу ҳақда Россия бош вазири Михаил Мишустин маълум қилди.

"Биз бундан буён ҳам мамлакатимизни бу янги таҳдиддан ҳимоя қилиш учун барча нарсани амалга оширамиз, коронавирус кенг тарқалмаслиги учун чора кўрамиз", - деди у.

Ягона идоралараро ахборот-статистика тизими маълумотларига кўра, Россияга 2019 йилда Беларуснинг 440 мингдан ортиқ фуқароси келган.

Россия 16 март кунидан Европа Иттифоқи давлатлари, шунингдек, Швейцария ва Норвегия билан авиақатновларни чеклади. Фақат пойтахтга 4та доимий рейслар ва чартер рейслар сақлаб қолинди.

Чартер рейсларда ЕИ ҳудудига фақат ушбу ҳудуддаги давлатлар ва бошқа давлатлар фуқаролари учиши мумкин, Россияга эса фақат россияликлар қайтади.

#Россия #Беларусь #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.