Францияда коронавирусга қарши дори синовдан муваффақиятли ўтказилди

Олимлар ушбу натижани тасдиқлаш учун кенгроқ миқёсдаги клиник тадқиқотлар ўтказилиши кераклигини қайд этишмоқда.

Фото: AP Photo / Francois Mori

Франциялик олимлар SARS-CoV-2 коронавирусига қарши дори воситасининг клиник тадқиқотлари натижаси муваффақиятли бўлганини маълум қилди. Бу ҳақда International Journal of Antimicrobial Agents нашри хабар берди.

Француз олимлари гидроксихлорохиннинг коронавирусга алоҳида ва азитромицин антибиотиги билан биргаликдаги таъсирини ўрганишди. Тадқиқотлар Марсель университетининг Méditerranée Infection госпиталидаги юқумли касалликлар шифохонасида ўтказилди.

Тадқиқотларда COVID-19 симптоми бўлган ва симптомлар бўлмаган 36 киши иштирок этди. Беш кун давомида янги дори воситасини қабул қилган олти беморда коронавирус тести салбий чиқди, яъни уларнинг барчаси тузалди.

Март ойи ўрталарида Жаҳон соғлиқни сақлаш ташкилоти вакцинанинг 41 «номзоди»ни рўйхатга олганди.

Тайёрлаган Дилшод Аскаров

#Франция #коронавирус #гидроксихлорохин

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.