Молия вазирлиги бензин, дизель ёқилғиси ва газни охирги истеъмолчига сотишда белгиланган акциз солиғи ставкаси йил охирига қадар ўзгаришсиз қолишини маълум қилди.
Фото: Reuters
«Қабул қилинган қарорга асосан жорий йил охирига қадар спирт, алкоголь маҳсулотлари, шу жумладан вино ва пиво, шунингдек охирги истеъмолчига сотиладиган бензин, дизел ёқилғиси ҳамда суюлтирилган ва сиқилган газга амалдаги акциз солиқ ставкалари сақланиб қолиниши белгиланди», дейилади хабарда.
Маълумот учун, «2020 йил учун Ўзбекистон Республикасининг Давлат бюджети тўғрисида»ги Ўзбекистон Республикаси қонунига асосан жорий йилнинг 1 апрелидан бошлаб акциз солиқ ставкалари оширилиши кўзда тутилган эди.
