Қўшимча функционаллар
-
Тунги кўриниш
Беларусдаги норозилик намойишлари иштирокчиларига йирик жарималар солинмоқда
Беларусда президент сайловлари кампанияси вақтида қўлга олинган сиёсатчилар ва фаоллар билан бирдамлик акцияси иштирокчилари йирик жарималар билан жазоланмоқда. Бу ҳақда Беларуснинг “Весна” ҳуқуқни ҳимоя қилиш маркази маълум қилди.
Фото: STR / AP Photo
Намойишлар иштирокчиларига 570 долларгача жарима солинмоқда. Ҳуқуқ ҳимоячиларининг маълумотларига кўра, намойишчилар бутун мамлакат бўйлаб жавобгарликка тортилмоқда. Улар устидан судлар паойтахт Минск, Витебск, Могилев, Бобруйск ва бошқа шаҳарларда бўлиб ўтган.
Умумий ҳисобда маъмурий ишлар бўйича 80 киши ўтмоқда. Улар асосан ноқонуний оммавий тадбирлар ўтказишда ҳамда милиция ходимлари кўрсатмаларига бўйсунмасликда айбланмоқда.
Намойишларнинг баъзи иштирокчиларига маъмурий ҳибсга олиш қўлланмоқда, бироқ уларнинг аксарияти жаримага тортилмоқда. Минскда бу жарималарнинг қиймати 170-568 долларни, ҳудудларда 45-398 долларни ташкил қилмоқда.
Ўтган ҳафта Минск ва Беларуснинг бошқа шаҳарларида президент сайловларига муқобил номзодлар қўллаб-қувватловига акциялар ўтган. Одамлар жонли занжир ҳосил қилиб, норозилик билдиришган. 270 га яқин намойишчи ҳибсга олинган.
Беларусда 9 августда президент сайловлари бўлиб ўтади. Мамлакатнинг амалдаги президенти Александр Лукашенко ҳам сайловларда иштирок этиб, 6-муддатга сайланиши мумкин.
Беларус-2020
Мавзуга оид
10:55 / 13.11.2025
Тошкент шаҳри ва вилоятида атмосферага зарар етказаётган 100 дан ортиқ хўжалик фаолияти тўхтатилди
14:47 / 10.11.2025
Марказий банк 18 та банкни 102 млн сўмдан жаримага тортди
11:32 / 03.11.2025
Пиротехника бўйича давлат назорати ва жарималар оширилади
22:54 / 02.11.2025