Андижон вилояти давлат солиқ бошқармасига янги раҳбар тайинланди

Турсунов ушбу лавозимга тайинлангунга қадар Андижон вилояти ДСБ бошлиғининг биринчи ўринбосари вазифасида ишлаб келаётган эди.

Фото: Давлат солиқ қўмитаси

Ўзбекистон президенти фармойиши билан Отабек Турсунов Андижон вилояти давлат солиқ бошқармаси бошлиғи этиб тайинланди.

ДСҚ Матбуот хизмати хабарига кўра, Отабек Турсунов 1984 йилда Андижон вилоятида туғилган. 2007 йилда Андижон муҳандислик-иқтисодиёт институтини иқтисодчи мутахассислиги бўйича тамомлаган.

У ушбу лавозимга тайинлангунга қадар Андижон вилояти ДСБ бошлиғининг биринчи ўринбосари вазифасида ишлаб келаётган эди.

Қайд этилишича, О. Турсунов солиқ хизмати органларидаги меҳнат фаолиятини 2006 йилда Андижон вилояти давлат солиқ бошқармаси фуқароларни рўйхатга олиш бўйича навбатчиси лавозимидан бошлаган. Солиқ хизматининг II даражали маслаҳатчиси.