Қашқадарё вилоятининг Қамаши тумани ҳокими Шерали Санаев ўрнига янги раҳбар тайинланди.
7 октябрь куни Халқ депутатлари Қамаши тумани кенгашининг ҳам навбатдан ташқари йиғилиши ўтказилиб, Ботир Нормаҳмадович Тоғаев туманнинг янги ҳокими этиб тайинланди.
Ботир Тоғаев 1976 йилда Китоб туманида туғилган, 2001-2015 йилларда вилоятнинг Шаҳрисабз, Китоб ва Касби туманларида қишлоқ ва сув хўжалиги соҳаларида фаолият олиб борган.
У бугунгача Ўзбекистон Республикаси Вазирлар Маҳкамаси Aграр ва озиқ-овқат соҳаларини ривожлантириш масалалари котибият мудири лавозимида ишлаб келган.
Бундан аввалроқ 2018 йил декабридан буён Қамашига раҳбарлик қилиб келган Шерали Санаев Миришкор тумани ҳокими лавозимига ўтказилгани хабар қилинганди.
