Ҳиндистонда коронавируснинг қўшалоқ мутацияли янги тури аниқланди

22 март куни Белгияда коронавируснинг B.1.214 деб номланган янги тури аниқланганди.

Фото: Reuters

Ҳиндистонда коронавируснинг қўшалоқ мутацияли янги тури аниқланди. Бу ҳақда Reuters агентлиги хабар бермоқда.

«Мамлакатда янги қўшалоқ мутация коронавируснинг бошқа турлари билан бир қаторда аниқланди», — дейилади Ҳиндистон соғлиқни сақлаш вазирлиги хабарида.

Хабарга қўшимча қилинишича, ҳозирча мутацияларнинг пайдо бўлиши ва қатор штатларда аҳоли орасида коронавирус юқтиришнинг тезлашгани ўртасидаги боғлиқлик бўйича маълумотлар етарли эмас.

22 март куни Белгияда коронавируснинг B.1.214 деб номланган янги тури аниқланганди. Қайд этилишича, аҳолининг 4 фоизи ушбу штаммни юқтирган.

18 март куни Ҳиндистонда коронавируснинг британча, бразилча ва жанубий африкача штаммлари аниқланганди.