Тошкент – Киев йўналиши бўйича авиақатнов тикланмоқда

26 сентябрдан бошлаб, «Uzbekistan Airways» АЖ Тошкент – Киев – Тошкент йўналиши бўйича авиақатновларни тикламоқда.

Авиакомпания хабарида айтилишича, режага мувофиқ қатнов ҳафтада бир марта – якшанба кунлари амалга оширилади.

Тошкент – Киев йўналишида авиачипта 2 234 655 сўмдан (багажсиз) ва 2 575 535 сўмдан (багажни ҳисобга олган ҳолда), Тошкент – Киев – Тошкент йўналишидаги авиачипталар эса 4 205 223 сўмдан (багажсиз) ва 4 836 482 сўмдан (багажни ҳисобга олган ҳолда) бошланади.

Нархлар 16.09.2021 ҳолатига кўра кўрсатилган.

Маълум қилинишича, чипталарни авиакомпаниянинг расмий сайтида 3 фоизлик чегирма билан, Uzbekistan Airways Sales филиалидан ёки авиакомпания агентларидан харид қилиб олиш мумкин.