Қўшимча функционаллар
-
Тунги кўриниш
Ўзбекистонда бизнес-омбудсманга мурожаат қилган тадбиркорлар сони икки баробар кўпайди
2021 йилда бизнес-омбудсманга мурожаат қилган тадбиркорлар сони икки баробарга кўпайди. Энг кўп мурожаат — Тошкент шаҳридан. Бу ҳақда бизнес-омбудсман бўлим бошлиғи Нозима Саидалиева АОКАда ўтказилган брифингда маълум қилди.
Қайд этилишича, 2021 йилнинг 9 ойида бизнес-омбудсман томонидан тадбиркорларнинг 5 мингдан ортиқ мурожаатлари ўрганилган. Бу кўрсаткич ўтган йилга қараганда икки баробарга кўп. Кўриб чиқилган мурожаатларнинг деярли 3 мингтаси қаноатлантирилди, қолганлари юзасидан тушунтириш берилди.
Бизнес-омбудсман томонидан 2021 йилнинг 9 ойида тадбиркорлар манфаатида судларга 28 миллиард сўмлик даъво аризалар киритилди. Жорий йил маъмурий жавобгарликка тортилганлар сони кескин кўпайган ва ўтган йилга нисбатан 740 нафарга ошган.
Бизнес-омбудсманга энг кўп келиб тушган мурожаатлар сони Тошкент шаҳри (643), Тошкент вилояти (583) ҳамда Қорақалпоғистон Республикасига (540) тўғри келган. Соҳалар кесимида тадбиркорларни энг қийнаётган муаммолар бу — ер масаласи (1 179) ва кредит ажратилиши (1 119).
Мавзуга оид
09:40 / 28.01.2026
Бизнес-омбудсман: маҳаллий ҳокимиятнинг 220 та ноқонуний қарори бекор қилинди
20:40 / 06.01.2026
Фарғонада тадбиркорларга нисбатан чиқарилган ноқонуний маъмурий қарорлар бекор қилинди
01:22 / 05.01.2026
Тадбиркорлар фаолиятини текширишда бизнес-омбудсман билан келишиш талаб этилмаслиги маълум қилинди
13:02 / 27.12.2025