Ўзбекистонликлар эндиликда пенсия ҳисобварағида қанча маблағ йиғилганини онлайн тарзда билиб олиши мумкин

Қайд этилишича, 2005 йилдан кучга кирган «Фуқароларнинг жамғариб бориладиган пенсия таъминоти тўғрисида»ги қонундан ҳанузгача бехабарлар кўп. 

“Аксарият кишилар шахсий жамғариб бориладиган пенсия ҳисобварағидаги маблағни нафақага чиққанида ҳар ой оладиган пенсия пули билан адаштирди.

Бу ҳақида маълумотга эга бўлганлар эса ҳисобварағига қанча маблағ йиғилганини билиш учун банкка тез-тез қатнаб туради.

Ахир, бу нафақага чиққанда йиллар давомида тўпланиб турган маблағни (ҳар ойлик пенсиядан ташқари) бир маротаба улгуржи ёки бўлиб-бўлиб олиш имконияти-ку”, дейилади маълумотда.

Билдирилишича, my.gov.uz манзилида нафақат шахсий жамғариб бориладиган пенсия ҳисобварағи ҳолати ҳақида маълумотга эга бўлиш, балки тегишли маълумотномани тез ва осон юклаб олиш имконияти ҳам бор.

Маълумот учун, муаммо ва хатоликлар юзасидан Халқ банкининг (71) 210-20-02 ёки 1106 ишонч рақамларига мурожаат қилиш мумкин.