Анадолу тиббиёт маркази: саратонни даволашда самарали инновацион воситалар

Айни вақтда дунё тиббиёти саратонни даволашда анча илгарилаб кетган. Дунёнинг етакчи клиникалари саратонни даволашнинг замонавий усулларини ўз амалиётида муваффақиятли тарзда қўллаяпти. Онкологик касалликларни даволаш бўйича етакчи тиббиёт муассасаларидан бири бўлган “Анадолу” клиникаси ваколатхонасининг Тошкентда ҳам очилиши туфайли мақсадли ва иммунотерапиянинг замонавий технологиялари Ўзбекистон аҳолиси учун янада қулай бўлди.

Аниқ мақсадлар

Саратон хасталиги ўлим кўрсаткичлари бўйича юрак-қон томир касалликларидан кейинги ўринда туради. Туркиянинг “Анадолу” клиникаси онкологи Синан Карааслан экологиянинг ёмонлашуви оқибатида онкологик касалликлар сони ошаётгани, аммо замонавий тиббиётда буни аниқлаш осонлашганини айтди.

“Саратон индивидуал ёндашув асосида даволанади. Ўсимтанинг келиб чиқиши ва хусусиятларига қараб ҳар бир беморга алоҳида даволаш усули тавсия этилади. Унинг генетик мутацияларига қараб, саратон ҳужайраларига мақсадли таъсир кўрсатадиган дорилар танланади”, - деди Карааслан.

Замонавий тиббиётда даволашнинг бу усули мақсадли терапия дейилади. Бу усул соғлом аъзолар ва тўқималарга зарар етказмасдан саратон ҳужайраларининг айрим турларини аниқ нишонга олишда “ақлли” дориларни қўллайди.

Мақсадли терапия ва кимётерапиянинг фарқи нимада?

Анъанавий кимётерапиядан фарқли равишда мақсадли даволашда инсоннинг соғлом ҳужайралари зарарланмайди. Шунинг учун ҳам улардан фойдаланиш жиддий ножўя таъсирларсиз ўсмани назорат қилишга имкон яратади. Кимётерапия муолажалари ўз навбатида барча тез бўлинувчи ҳужайраларга таъсир қилади. Бу жараёнда зарарли ҳужайралар билан бирга соғлом ҳужайралар ҳам зарарланиши эҳтимолдан холи эмас.

“Бизнинг арсеналимизда қўлланадиган дори воситалари кимётерапиядан фарқли равишда сезиларли даражада бошқа органларга камроқ таъсир қилади”, - дейди Карааслан. Унинг қайд этишича, бундай “ақлли” дорилардан фойдаланиш шифокорларга даволашда яхши натижаларга эришишини, беморларнинг соғайиш ва узоқ яшаш имкониятларини кўпайтиради.

“Бутун дунёда замонавий тиббиёт шу дори воситаларидан фойдаланишни бошлади. Биз клиниканинг илк фаолиятиданоқ уларни қўллаб келаётганимиз учун бу борада анча тажриба тўплаганмиз. Замонавий онкология шиддат билан ривожланмоқда, янги тадқиқотлар яратиляпти. Биз бу тадқиқотларни мунтазам кузатамиз ва самарадорлиги исботланган дори воситаларидан фаол фойдаланамиз”, - дея қўшимча қилади у.

“Анадолу” клиникаси раҳбарининг айтишича, мақсадли терапия мустақил тарзда, анъанавий ёки кимётерапия, жарроҳлик, радиация терапияси каби бошқа даволаш усуллари билан биргаликда қўлланиши мумкин. Шунингдек, организмнинг иммун тизимини ошириб, саратон ўсимта ҳужайраларини ўлдирувчи дори воситалари ҳам мавжуд. Бу иммунотерапия деб аталади.

Иммунотерапияда ўсимтага қарши курашишда инсон иммунитетини мустаҳкамловчи дорилар тавсия қилинади. Уларнинг қўлланиши иммунитетни ошириб, ўсимта ҳужайраларини йўқ қилади ва ҳатто бедаво ҳисобланувчи хасталикларни ҳам даволаш имкониятини яратади.

“Аслида иммунотерапия маълум бир мутациялар билан оғриган беморларни даволашда қўлланилади. Касалликлар спектри мавжуд бўлиб, уларда бу мутациялар бўлмаган тақдирда ҳам стандарт кимётерапияни иммунотерапия билан бирлаштириш яхши натижалар беради. Лекин барибир индивидуал ёндашув мавжуд”, - таъкидлади клиника раҳбари.  

Саратонга қарши инновациялар

“Анадолу” ушбу дориларни рецептлаш учун зарур бўлган барча генетик тадқиқотларнинг тўлиқ диапазонини ўрганиб боради. Яқинда клиника кенг қамровли генетик таҳлиллар ўтказиш учун рухсатномага эга бўлади.

Клиника лабораторияси дунёдаги энг тезкор лабораториялардан бири ҳисобланади ва беморга операциядан кейинги даволаниш режаси ҳақида тушунча ҳам беради. Касаллик турига ва муайян беморнинг ҳолатига қараб даволаш протоколларининг самарадорлигини билиш мумкин.

Клиника мутахассислари ўпка саратонида мақсадли терапиянинг самарадорлиги икки баравар юқори эканлигини таъкидлашади. Аммо буйрак саратони ва хавфли ўсимталарни даволашда илгари аниқ даволаш тизими йўқ эди, аммо иммунотерапия билан самарали натижаларга эришиш мумкин. Кимётерапия билан солиштирганда, “ақлли” дориларнинг қарши таъсири жуда кам учрайди.

Клиниканинг ютуқларидан яна бири – йўғон ичак саратонини даволашнинг янги усули жорий этилганидир. Бу ердаги тажрибали мутахассислар колостома ўрнатмасдан операцияни амалга ошириш имконини берувчи янги технология ишлаб чиқишди.

Тарқалиш бўйича иккинчи, саратондан ўлим даражаси бўйича учинчи ўринда турадиган бу хасталик ҳар йили 1 миллионга яқин беморларда аниқланади.

Тўғри ичак саратони асосан жарроҳлик усулида даволанади. Ушбу мураккаб операцияни колостомасиз бажариш усулини “Анадолу” тиббиёт маркази етакчи жарроҳи, профессор Вафи Аталай яратди. У 2 йил аввал Германияда ўтказилган Европа колопторология конгрессида ўз ихтиросини намойиш этди ва хорижлик ҳамкасбларида катта қизиқиш уйғотди. Шифокор бу операцияни 100 дан ортиқ беморларда ўтказди, натижа эса уларнинг саратондан халос бўлиб, соғайганлигини кўрсатди.  

“Айрим беморлар ҳатто колостомани хоҳлашмагани учун ҳам операцияни рад этишади. Биз эса уларни тўғри англаган ҳолда жарроҳлик амалиётининг ўзига хос усулини яратдик. Чунки жараёнда инсон танасидаги ажралган ахлат махсус дренаж ёрдамида чиқарилади”, - деди жарроҳликда 20 йиллик тажрибага эга профессор Аталай.

“Операциядан 2 ҳафтадан сўнг анастомоз тузалгач, унинг ҳолатини текширамиз. Агар яхши ҳолда деб топилса, дренаж ҳеч қандай жарроҳлик усулисиз олиб ташланади. Бемор клиникамизда бир курслик даволанишнинг ўзидаёқ даволанишнинг жарроҳлик босқичини якунлаши мумкин”, дея таъкидлади шифокор.

“Анадолу” тиббиёт маркази 22 йилдан буён АҚШнинг энг яхши тиббиёт муассасаси деб тан олинаётган дунёга таниқли Johns Hopkins Medicine клиникаси билан ҳамкорликда фаолият олиб боради. Марказ Туркиянинг машҳур Anadolu Group ҳолдингига қарашли Anadolu хайрия фондига тегишли.

Ушбу клиниканинг Тошкентдаги ваколатхонаси бир йилдан бери фаолият юритмоқда. Ваколатхона офиси ҳафтанинг 6 кунида 9:00 дан 18:00 га қадар ишлайди.

Манзил: Яккасарой тумани, Миробод кўчаси, 10/402 уй, 1-офис.

Мўлжал: Корзинка супермаркети, GramdMir меҳмонхонаси (аввалги Россия меҳмонхонаси), республика ИИВ.

Телефон: (+99890) 114-46-66. E-mail: [email protected]

Сайт: anadolumedicalcenter.ru

Facebook: fb.com/anadolumedical.official

Instagram: @anadolumedicalcenter_ru

Реклама ҳуқуқи асосида