БАА компанияси Самарқанд ва Тошкентга парвозларни амалга ошириш учун рухсат олди

Венгриянинг «Wizz Air» лоукостери қошидаги БААда фаолияти юритувчи шуъба корхона Ўзбекистонга парвозларни амалга ошириш учун рухсат олди. Бу ҳақда Gazeta.uz ёзмоқда.

Фото: Reuters

Ўзбекистоннинг БААдаги элчиси Абдулазиз Оққуловнинг Gazeta.uz'га маълум қилишича, Ўзбекистон Транспорт вазирлиги Венгриянинг «Wizz Air» лоукостер авиакомпанияси шуъба корхонаси бўлмиш «Wizz Air Abu Dhabi»га Ўзбекистонга парвозларни амалга ошириш учун рухсатнома берган.

«Wizz Air Abu Dhabi» БАА пойтахти Абу Дабидан Самарқанд ва Тошкентга ҳафтасига 4 та рейс қўйишни режалаштирган. Элчининг сўзларига кўра, лоукостер 298 та эконом класс ўринга эга Airbus A321 самолётига буюртма берган ва лоукостер сифатида яхши нархлар таклиф қилмоқда.