Қўшимча функционаллар
-
Тунги кўриниш
Жамият | 07:50 / 11.06.2022
14820
1 дақиқада ўқилади
Когон магистрал газ қувурлари бошқармасида ёнғин содир бўлди
Бухоро вилоятининг Когон туманида йирик ёнғин содир бўлди. Фавқулодда вазиятлар вазирлиги ҳодиса юзасидан расмий маълумот эълон қилди.
Фото: Бухоро вилояти ФВБ
Қайд этилишича, бугун, 11 июнь куни соат тахминан 04:10 да Бухоро вилояти Когон шаҳар газчилар қўрғонида жойлашган “Когон магистрал газ қувурлари” бошқармасида ёнғин содир бўлаётгани тўғрисида вилоят ФВБга хабар келиб тушган.
Шунга кўра, 8 та ёнғин-қутқарув экипажи ва 2 тв махсус техника воқеа жойига соат 04:13 да етиб борган ва ёнғин соат 05:50 да ўчирилган.
Ёнғин натижасида 1-газ ҳайдаш ускунаси ёниб зарарланган. Ҳодиса оқибатида тан жароҳати олган ва ҳалок бўлганлар йўқ.
Ҳозирда ёнғин келиб чиқиш сабаби ва моддий зарар миқдори аниқланмоқда.
