Тезлик қоидаларини бузиб ҳаракатланган ҳайдовчи Nexia бошқарувини йўқотган ва оқибатда машина йўл четидаги дарахтга урилган.
Видеодан кадр
Самарқанд вилояти ИИБ ахборот хизматининг хабар беришича, 2022 йил 13 июнь куни Жомбой тумани ҳудудидан ўтган Сарича—Қанғли—Бойбағиш автомобил йўлида одам ўлими билан боғлиқ йўл-транспорт ҳодисаси содир бўлган.
Катта тезликда ҳаракатланган Nexia машинаси бошқарувни йўқотиб, йўл четидаги дарахтга урилган. Оқибатда машинада йўловчи сифатида келаётган 52 ёшли аёл оғир тан жароҳатлари билан шифохонага ётқизилган. Кўрсатилган тез тиббий ёрдамга қарамасдан жабрланувчи шифохонада вафот этган.
Аввалроқ, Паст Дарғом туманида Damas уриб юборган мактаб ўқувчиси вафот этганди.
