Анталия - Тошкент йўналишидаги самолётда беш киши ўртасида муштлашув юз берди

Самолёт бортидаги безорилик учун жиноий иш қўзғатилди.

Иллюстратив фото/ Sputnik

Шу йилнинг 15 июли Анталия - Тошкент йўналиши бўйича парвоз қилган НУ-372 рейси йўловчилари С.Л., С.М., А.Ш., К.Т. ва К.Н. ўртасида можаро юз берган.

ИИВ Транспорт ва туризм объектларида хавфсизликни таъминлаш бошқармаси хабарига кўра, улар жамиятда хулқ-атвор қоидаларига қасддан бепарволик қилиб, ҳаво кемаси бортида безорилик ҳаракатлари билан ўзаро жанжал келтириб чиқариб, бир-бирларига енгил тан жароҳатлари етказишган.

Мазкур ҳолат юзасидан ИИВ Транспортда хавфсизликни таъминлаш бош бошқармаси тергов бошқармаси томонидан юқоридаги шахсларга нисбатан Жиноят кодексининг 277-моддаси 1-қисми билан жиноят иши қўзғатилган.