Қашқадарёда тўхтаб турган Nexia машинасининг газ баллони портлади

2022 йил 21 август куни соат 12:00 ларда Кўкдала тумани Сойбўйи маҳалласида яшовчи Э.С. бошқарувида бўлган Nexia машинасига ўрнатилган метан газ баллони тўхтаб турган жойида портлаб кетган.

Қашқадарё вилояти ИИБ ахборот хизматининг хабар беришича, ҳодисада ҳеч ким тан жароҳати олмаган ва вафот этмаган. Фақат машинага жиддий зарар етиб, у яроқсиз ҳолга келган.

Қайд этилишича, мазкур ҳолат юзасидан Кўкдала туман ИИБ ҳузуридаги тергов бўлими томонидан терговга қадар текширув ҳаракатлари олиб борилмоқда.

Аввалроқ, Сирдарё вилоятида Isuzu автобусига ўрнатилган газ баллони портлаши оқибатида 6 киши ҳалок бўлган, 15 киши тан жароҳати олганди.