Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 14:51 / 18.11.2022
    23860
    5 дақиқада ўқилади

    Херсондаги Хорижий легион жангчилари ва Запорижжяга зарба оқибатлари. Уруш суратлари

    Украина ҳукумати россияликларнинг Одесса, Днепр ва Харкив областларидаги инфратузилма объектларига навбатдаги ракета зарбалари ҳақида хабар берди. «Нафтогаз Украина» мамлакат шарқида газ қазиб олиш объектлари вайрон бўлгани ва шикастланганини маълум қилди. Днепрда отишмалар оқибатида 23 киши жабрланган, турар жой биноси шикастланган. Запорижжя области Вольнянск шаҳрида ракета зарбасидан етти киши ҳалок бўлди. Ҳаагадаги суд россиялик Игор Гиркин ва Сергей Дубинский, шунингдек украиналик Леонид Харченкони 2014 йилда Донбассдаги «боинг» ҳалокати иши бўйича умрбод қамоқ жазосига ҳукм қилди. Брянск областида икки киши автомобилда кетаётиб, Украина билан чегара яқинида минага тушиб портлаб кетди, уларнинг бири ҳалок бўлган. Украина ИИВ раҳбари ўринбосари Денис Монастирский Херсон областида россиялик ҳарбийлар томонидан ўлдирилган 63 киши жасади аниқланганини маълум қилди. Донецк, Миколайив, Харкив ва Херсон областларининг озод этилган ҳудудларида Украина полицияси истило вақти ҳалок бўлган мингга яқин тинч аҳоли вакиллари жасадларини аниқлаган. 

    Қуйида 17 ноябр, урушнинг 267-кунида Украинанинг турли ҳудудларида олинган суратлар.

    Украина Хорижий легиони Херсондаги олдинги чизиқда

    Днепрнинг ўнг соҳилидаги Херсонда украинлар позициясидаги мерган. Украина Хорижий легиони 2022 йил февралида Володимир Зеленский буйруғи билан Украина қуролли кучлари ҳудудий мудофаа қисмлари доирасида тузилганди. Урушнинг илк кунларида легион сафига дунёнинг 52 мамлакатидан 20 мингга яқин киши ёзилди.
    Chris McGrath / Getty Images
    Херсондаги Хорижий легион жангчилари россияликларнинг Днепрнинг чап соҳилидаги позицияларини ўққа тутишга тайёрланмоқда. Легион сафида АҚШ, Буюк Британия, Полша, Болтиқбўйи давлатлари, Канада, Норвегия, Финландия ва Даниядан келганлар кўпчиликни ташкил этади. Легион Россия ва Беларус фуқароларини қабул қилмайди, Украина қуролли кучларига кўра, россияликлардан мурожаат жуда кўп.
    Chris McGrath / Getty Images
    Хорижий легион жангчиси Херсон областида россияликлар позициясини ўққа тутмоқда
    Chris McGrath / Getty Images
    Хорижий легион жангчилари чироқ ёруғида қаҳва пиширмоқда
    Chris McGrath / Getty Images

    Запорижжя областида зарба оқибатлари 

    Украин полициячилари РФ қўшинлари томонидан берилган ракета зарбаси оқибатида жабрланганларни қидирмоқда. 17 ноябрга ўтар кечаси россиялик ҳарбийлар Запорижжя областининг област марказидан 30 километр шимоли-шарқида жойлашган ва Украина армияси назоратидаги Вольнянск шаҳрига зарбалар йўллади. Ракета турар жой биносига тушиб, уни тўлиқ вайрон қилган. Сўнгги маълумотларга кўра, етти киши ҳалок бўлган. Фото: Reuters / Scanpix / LETA
    Полициячилар россияликлар ракета зарбасидан вайрон бўлган уй харобаларидан топилган жасадларни кўздан кечирмоқда.
    Reuters / Scanpix / LETA
    Қутқарувчилар россияликлар ракетаси келиб тушган жойда ишламоқда
    Reuters / Scanpix / LETA

    Донецк областида украинлар ҳоспитали

     

    Ҳарбий шифокор украиналик ҳарбий ярасини боғламоқда. Донецк областида фаол жанглар давом этмоқда. Област ҳарбий маъмуриятига кўра, 17 ноябр тонгида Россия Часив Ярни ўққа тутган — украинлар назоратидаги бу шаҳар Донецкдан 60 километр шимолда жойлашган. Уч киши қурбон бўлган. Бундан ташқари, Россия қўшини Бахмут ва Вугледарга зарбалар беришни давом эттирмоқда.
    Anna Kudriavtseva / Reuters / Scanpix / LETA

     

    Тиббиёт ходимлари Украина қуролли кучларининг ярадор жангчисига тез тиббий ёрдам кўрсатишмоқда.
    Anna Kudriavtseva / Reuters / Scanpix / LETA

    Херсоннинг вайрон бўлган аэропорти 

    Чорнобайивка қишлоғидаги «Херсон» халқаро аэропорти биноси, унинг ҳудудида Россия қўшинининг кўплаб ҳарбий техникалари қолган. РФ армияси учун Чорнобайивканинг эгалланиши урушнинг илк кунларида стратегик аҳамиятга эга эди — аэропорт россиялик ҳарбийлар томонидан 27 феврал куни эгалланди. Шундан буён Украина қуролли кучлари мунтазам равишда ва муваффақият билан россияликларнинг Чорнобайивкадаги позицияларини ўққа тутди. Президент офиси маслаҳатчиси Алексей Арестович маълумотига кўра, 10 июлгача украин қўшини бу ҳудудга 26 бор ҳужум уюштирган. 11 ноябр куни Украина қуролли кучлари Чорнобайивкани озод этишди, 
    Metin Aktas / Anadolu Agency / ABACAPRESS / ddp images / Vida Press
    Аэропорт деворида Украина қуролли кучлари бош қўмондони, генерал Валерий Залужний тасвири
    Metin Aktas / Anadolu Agency / ABACAPRESS / ddp images / Vida Press
    Аэропортда россияликларнинг ташлаб кетилган мудофаа истеҳкоми
    Metin Aktas / Anadolu Agency / ABACAPRESS / ddp images / Vida Press
    Чорнобайивка аэропорти ҳудудидаги ҳарбий самолётлар
    Metin Aktas / Anadolu Agency / ABACAPRESS / ddp images / Vida Press
    Муаллиф:  Азиз Қаршиев
    #Украина #уруш суратлари

    Россия-Украина уруши

    2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.

    Мавзуга оид

    20:13 / 22.12.2025

    Вэнс: Украина барибир Донбассни бой беришини тушуниб турибди

    19:54 / 22.12.2025

    Украина разведкаси Липецкда икки қирувчи ёқиб юборилганини маълум қилди

    13:50 / 22.12.2025

    Рютте: Путинни тинчликка фақат Трамп мажбурлай олади

    13:32 / 22.12.2025

    Уиткофф АҚШ–Украина форматидаги музокаралар тафсилотларини очиқлади