Ўзбекистон ҳудудига Эрондан қуруқ ва жуда илиқ ҳаво кириб келиши кутиляпти

Бугун Ўзбекистон бўйича кам булутли ва қуруқ об-ҳаво бўлиши кутилмоқда, фақат Навоий вилояти шимолий ҳудудларида, Тошкент вилояти баъзи жойларида фронтал булутли чизиқлар ўтишида бироз ёмғир ёғиши мумкин, тоғли ҳудудларда ёғингарчилик (ёмғир, қор) бўлади.

Фото: Kun.uz

“Ўзгидромет” хабарига кўра, кундузи ҳаво ҳарорати 13-15 даража илиқ, жанубда 18-21 даража иссиқ атрофида бўлади.

Сешанба кунидан бошлаб ва иш ҳафтаси охиригача Ўзбекистон ҳудудига Эрон ҳудудларидан қуруқ ва жуда илиқ ҳаво кириб келиши кутилмоқда. Ҳарорат фони 6-8 даражага кўтарилади. Кундузи ҳаво ҳарорати сешанба куни – 15-17 даража илиққача, сўнг эса 18-20 даража иссиққача, баъзи жойларда 23 даража иссиққача кўтарилади.

Республика бўйича ёғингарчилик кутилмайди, фақат Тошкент вилояти айрим жойларида сешанбага ўтар кечаси бироз ёмғир ёғиши мумкин, тоғларда ёғингарчилик бўлади. 21-22 ноябрда республиканинг тоғли ҳудудларида қор кўчиши хавфи бор.

Бугун ва эртага республика айрим жойларида шамол 15-20 м/с гача кучайиши кутилмоқда. Республика бўйича баъзи жойларга туман тушиши мумкин.

#об-ҳаво #Ўзгидромет