Қўшимча функционаллар
-
Тунги кўриниш
Дам олиш кунлари совуқ антициклон таъсири сақланиб туради
1 декабрдан Ўзбекистон ҳудудига Ғарбий Қозоғистон орқали Урал ҳудудлари устида шаклланган совуқ ҳаво массаси кириб келди. Кейинги кунларда совуқ ҳаво кириб келиши республика барча ҳудудларига тарқалади.
“Ўзгидромет” хабарига кўра, бугун Ўзбекистон бўйича ёғингарчилик кутилмайди, фақат тоғолди ва тоғли ҳудудларда асосан қор кўринишидаги ёғингарчилик бўлади. Республика энг жанубий қисми баъзи жойларида бироз ёмғир ёғиши мумкин. Кундузи ҳаво ҳарорати 0-5 даража илиқ, шимолда 2-5 даража совуқ атрофида бўлади.
Совуқ антициклон таъсири дам олиш кунлари ҳам сақланиб туради. Ҳаво ҳарорати кечалари 2-7 даража совуқ, кундуз кунлари 0-5 даража илиқ, шимолда кечалари 10-13 даража совуқ, баъзи жойларда 15-17 даража совуққача, кундуз кунлари 2-7 даража совуқ атрофида бўлади.
Республика барча ҳудудларида кучсиз шамол билан қуруқ об-ҳаво бўлиши кутилмоқда.
