Қўшимча функционаллар
-
Тунги кўриниш
Туркия Ўзбекистонга турк зиёратчилари учун турпакетлар ишлаб чиқиш ташаббусини билдирди
Ўзбекистон Бош консулхонасида Туркия Дин ишлари бўйича қўмитаси (Diyanet, қароргоҳи Макка шаҳрида) Умра ва қуддус зиёратлари бўлими бошлиғи Муҳаммад Зейд Озел билан учрашув бўлиб ўтди, деб хабар бермоқда «Дунё».
Фото: Kun.uz
Учрашувда Ўзбекистонда туризм инфратузилмасини ривожлантириш, республикада меҳмонхона хўжалигини такомиллаштириш доирасида хорижий инвесторларга яратилаётган шароитлар ва имтиёзлар, Ўзбекистон иқтисодий ва сайёҳлик салоҳияти ҳақида маълумотлар берилди.
Муҳаммад Зейд Озел туркиялик сайёҳлар учун Самарқанд ва Бухоро шаҳарлари қадимий обидаларига, Имом Бухорий мажмуаси ва Нақшбандий мақбарасига зиёратларни ташкил этиш орқали ўзаро ҳамкорлик масаласига қизиқиш билдирди. У «зиёрат туризми» йўналишида Ўзбекистон тегишли ташкилотлари билан муносабат ўрнатиш ва тегишли битимни имзолашга тайёр эканини маълум қилди.
Туркия вакили Ўзбекистондаги энг йирик туристик компаниялар билан ҳам алоқалар ўрнатган ҳолда турк зиёратчилари учун керакли турпакетларни ишлаб чиқиш ташаббусини билдирди.
Мавзуга оид
11:40
Туркияда қариндоши томонидан фоҳишаликка мажбурланган қиз Ўзбекистонга қайтарилди
17:29 / 18.11.2024
Bloomberg: Эрдўған Россия—Украина урушини музлатиб қўйиш режасини тайёрлади
21:10 / 17.11.2024
Туркия Исроил президентининг самолётини ўз ҳаво ҳудудига киритмади — ОАВ
16:43 / 06.11.2024