Лукашенко йил бошидан буён саккизинчи марта Россияга борди
Беларус президенти Александр Лукашенко яна Россияга борди. У 5 кун аввал Минскга россиялик ҳамкасби Путин билан учрашган эди.
Бу гал Лукашенко Путиннинг таклифига биноан Москва яқинидаги космонавтларни тайёрловчи Юлдузлар шаҳарчасига борган. У ерда айни дамда беларуслик космосга учишга даъвогарлар машғулот ўтказмоқда.
Лукашенко шаҳарчага сафари давомида беларуслик космонавтлар билан гаплашди, Юрий Гагариннинг хизмат машинасини томоша қилди. 26-27 декабр куни Беларус президенти Лукашенко Санкт-Петербург шаҳрида Путиннинг ташаббуси билан ташкил этилаётган МДҲ давлатлари норасмий саммитида ҳам иштирок этади.
Лукашенко 2022 йил давомида саккизинчи марта Россияга борди. 5 кун аввал Лукашенко ва Путин Минскда учрашган эди. Ўшанда Россия президенти Путин 3 йил ичида илк марта Беларусга ташриф буюрганди. Ғарб ОАВлари ўша учрашувда Путин Лукашенкони Украинадаги урушга фаол қўшилишга кўндиришга уриниб кўргани, аммо буни уддалай олмагани ҳақида ёзганди.
Мавзуга оид
20:37 / 24.09.2024
Лукашенко: «Урушга тайёргарлик кўришимиз керак»
22:33 / 16.09.2024
Лукашенко яна 37 нафар сиёсий маҳбусни афв этди
00:12 / 13.09.2024
Лукашенко Қорабоғ атрофидаги воқеаларда Арманистон раҳбариятини айблади
15:37 / 04.09.2024