“Ёш-ёш қизларимиз 20-25 кило юкни ҳар куни кўтаришга мажбур эди” – президент

Шавкат Мирзиёев янги ўқув дарсликлари тақдимотида ўқитувчилар билан бўлган мулоқотда пахта мажбурий меҳнати асоратлари ҳақида гапирди.

Президент ўқитувчилар билан учрашувда мактаб ўқувчилари ва мажбурий меҳнат мавзусига ҳам тўхталган.

«Бу қарорни (мактаб ўқувчиларини мажбурий меҳнатга жалб этишни тақиқлаш) қабул қилиш осон бўлгани йўқ.

Болаларимиз 7-синфдан чиқарди пахтага. Тасаввур қилинг, ёш-ёш қизларимиз 20-25 кило юкни ҳар куни кўтаришга мажбур эди. Шу туфайли қанча касалликлар орттириб олинарди, баъзи ҳолатларда уни даволашга ҳам имконият бўлмасди.

Ваҳоланки, уларнинг қанчадан-қанча орзулари бор эди, улар фарзанд кўриши керак эди. Энди у кунларга қайтмаймиз», – деган у.