17:07 / 26.01.2023
42765

Malibu-2 учун шартнома бериш бошланганидан бир неча соат ўтиб тўхтатилди

UzAuto Motors, бугун, 26 январдан Malibu-2 автомобилини сотиш бўйича янги аризалар қабул қилишни бошлаган эди. Лекин саноқли соатлар ўтиб, контрактация тўхтатилган.

Kun.uz мухбири боғланган компания расмий вакилининг сўзларига кўра, айни вақтда харидорлар билан янги шартномалар тузилмаяпти, бироқ бу вақтинчалик ҳолат бўлиши мумкин.

Бу – ҚҚСнинг 15 фоиздан 12 фоизга пасайтирилгани ҳисобига Malibu-2 нархи 10 млн сўмга арзонлашгани ортидан рўй бермоқда.

Автосалонлардан бирининг Telegram-каналидаги тушдан кейинги эълонда Malibu сотувдан олинганини кўриш мумкин.

Маълумот учун, UzAuto Motors йилига 2900 дона Malibu-2 автомобилини импорт қилади ва ички бозордаги истеъмолчиларга етказиб беради. Шу пайтга қадар олиб келинаётган автомобилларнинг таннархи очиқланмаган.

Top