Фото: ИИВ Жамоат хавфсизлиги департаменти
Тошкент вилоятининг Бўстонлиқ тумани ҳудудидан ўтган йўлда кўчки содир бўлди. Бу ҳақда ИИВ Жамоат хавфсизлиги департаменти Йўл ҳаракати хавфсизлиги хизмати хабар қилмоқда.
Қайд этилишича, 4Р6 Тошкент-Қибрай-Чирчиқ-Чимён автомобиль йўлининг 59-60 километрлари оралиғида, «Чимён» дам олиш масканига олиб борувчи йўлда лой кўчкиси содир бўлган.
Маълум қилинишича, ҳодиса оқибатида ҳеч кимга тан жароҳати етмаган. Қисқа вақт ичида автомобиль йўли тўлиқ тозаланиб, транспорт воситаларининг ҳаракатланишига рухсат берилган.
Йўл ҳаракати хавфсизлиги хизмати ноқулай об-ҳаво шароитида барча ҳаракат қатнашчиларидан эҳтиёткор бўлишни сўраган.
