Украиналик ҳарбийлар Бахмут ва Креминнада ҳужумларни қайтармоқда. Уруш суратлари

Украинада урушнинг 395-куни ўтди. Асосий маълумотлар:

• Россия 1 июл куни Беларусда тактик ядровий қуролларни сақлаш омбори қурилишини якунлайди. Бу ҳақда РФ президенти Владимир Путин ВГТРК учун интервьюсида маълум қилди.
• Украина қуролли кучлари бош қўмондони Валерий Залужнийнинг маълум қилишича, украин ҳарбийларининг «титанларча саъй-ҳаракатлари» эвазига Бахмут йўналишида вазиятни «барқарорлаштиришга эришилган».
• Украина ҳозирча қуроллар ва ўқ-дорилар етишмовчилиги туфайли кутилаётган қарши ҳужумни бошлай олмайди, бу ҳақда мамлакат президенти Володимир Зеленский айтиб ўтди.
• БМТ миссияси маълум қилишича, Россия ҳам, Украина ҳам ҳарбий асирлар ўлдирилишига алоқадор ҳисобланади. Украина ТИВ ташкилот ҳисоботига муносабат билдириб, «тажовуз қурбони зиммасига масъулият юклашни қабул қилиб бўлмаслиги»ни маълум қилди.
• Давлат думаси спикери Вячеслав Володин Путинни ҳибсга олишга ордер берган Халқаро жиноий суднинг РФда фаолиятини тўхтатишни таклиф этди.
• Австриядагилар агар Путин мамлакатга келса, уни қўлга олиб, Халқаро жиноий судга топширишга ваъда беришди.
• Евгений Пригожин «Вагнер» ХҲК томонидан ёлланган беш минг маҳбус Украинадаги урушдан қайтганини айтди. Унинг сўзларига кўра, улар афв этилган.
• ТАСС ва «Москва» агентликларига кўра, РФ тергов қўмитаси иқтисодчи Константин Сонинга қарши Россия армияси тўғрисидаги «фейк» моддаси бўйича жиноий иш қўзғатган.

Кун кадри

Бахмут атрофида Украина армияси зенитчилари позицияси: Россия кучлари юришининг еттинчи ойига келиб Украина армияси фронтнинг энг мураккаб участкасидаги вазиятни барқарорлаштиришга эришди