Андижон вилояти ҳокими Шуҳрат Абдураҳмонов ишдан кетгани ҳақидаги хабар рад этилди.
«Андижон вилояти ҳокими Абдураҳмонов Шуҳратбек Қўшоқбоевичнинг лавозимидан олинди, деган хабарлар ҳақиқатга тўғри келмайди», дейилади ЎзА хабарида.
Бугун Шуҳрат Абдураҳмонов Андижон вилояти ҳокими лавозимидан озод қилингани ва унинг ўрнига биринчи ўринбосари Дилшод Каримов тайинлангани ҳақида хабар берилган эди.
Бир кун аввал ижтимоий тармоқларда Шуҳрат Абдураҳмоновга тегишли дея тахмин қилинаётган интим видео тарқалганди. Видеоёзувнинг бир қисми хиралашган, ҳоким юзи энг охирида кўринган.
