Ўзбекистонда энг кўп оилавий корхоналар қайси ҳудудда фаолият юритаётгани маълум бўлди

Республикада 2023 йилнинг 1 июнь ҳолатига 46 301 та оилавий корхоналар фаолият юритмоқда.

Статистика агентлиги маълумотларига кўра, ҳудудлар кесимида фаолият юритаётган оилавий корхоналар сони бўйича Самарқанд вилояти етакчилик қилмоқда – 8 210 та.

Кейинги ўринлардан оилавий корхоналар сони мос равишда 5 096 та ва 4 878 тани ташкил этган Фарғона вилояти ҳамда Хоразм вилояти жой олди.

Ушбу кўрсаткич қолган ҳудудлар кесимида қуйидагича кўринишга эга:

— Қашқадарё вилояти – 4 211 та;
— Сурхондарё вилояти – 4 122 та;
— Тошкент вилояти – 3 918 та; 
— Навоий вилояти – 3 587 та;
— Бухоро вилояти – 2 998 та;
— Тошкент шаҳри – 2 877 та;
— Қорақалпоғистон Р. – 1 997 та;
— Жиззах вилояти – 1 617 та;
— Андижон вилояти – 1 535 та;
— Наманган вилояти – 1 011 та;
— Сирдарё вилояти – 244 та.