19 июль куни Саудия Арабистонида Тожикистон президенти Имомали Раҳмон Марказий Осиё давлатлари ва Кўрфаз араб давлатлари ҳамкорлик кенгашининг биринчи саммити доирасида Шавкат Мирзиёев билан учрашди.
Фото: president.tj
Суҳбат чоғида ҳамкорликнинг кенг кўламли масалалари муҳокама қилинди, дея хабар берди Тожикистон президенти матбуот хизмати.
Томонлар икки давлат ўртасидаги ҳам икки томонлама даражада, ҳам минтақавий ва халқаро ташкилотлар доирасидаги муносабатлар ҳолатини муҳокама қилди. Икки давлатнинг Марказий Осиё давлатлари ва Кўрфаз араб давлатлари ҳамкорлик кенгаши биринчи саммитида иштирок этиши давлатлар манфаатларига хизмат қилиши таъкидланди.
Учрашув давомида томонларни қизиқтирган бошқа мавзуларда ҳам самарали мулоқот амалга оширилгани айтилган.
