«Испайсой» микро ГЭС ўртача йиллик электр энергия ишлаб чиқариши ҳажми 1,75 млн KW·соатни ташкил этади.
Фото: Ўзбекгидроэнерго
28 июль куни «Ўзбекгидроэнерго» АЖ томонидан Тошкент вилоятининг Бўстонлиқ туманида, Пскем дарёсининг чап ирмоғи ҳисобланган Испайсойда янги микро ГЭС ишга туширилди.
«Испайсой» микро ГЭС қуввати 200 KW бўлиб, ўртача йиллик электр энергия ишлаб чиқариши ҳажми 1,75 млн KW·соатни ташкил этади.
Испайсой Бўстонлиқ тумани, Испай қишлоғидан оқиб ўтувчи Пскем дарёсига қуйилувчи сой бўлиб, узунлиги 13 км. Унинг ўртача йиллик сув сарфи секундига 2,4 м3.
